Uppskera sumarsins hjá strumpinum mínum

Litli strumpurinn minn fór í skólagarða Hafnarfjarðar í vor.  Við hjálpuðumst að í sumar við að sinna plöntunum hans, vökva, reyta arfa og týna snigla.  Mikill lærdómur átti sér stað í þessu skóla :o) og eftir að hafa tekið upp grænmetið og gætt sér á afrakstrinum var minn maður ákveðinn í að skrá sig aftur í skólagarðana næsta sumar.

 Uppskeran var nokkuð góð.  Við fengum slatta af kartöflum (að vísu voru þær frekar litlar), radísur, gulrætur, rófur, rauðkál, blómkál, grænkál, nokkrar kryddjurtir og fallegt blóm :o).  Strumpinum fannst blómkálið best......það komst ekki einu sinni heim, þ.e. hann kláraði það á staðnum.  Gulræturnar voru líka mjög góðar "miklu betri en þessar stóru í Bónus " en radísurnar voru EKKI eins góðar.  Um kvöldið suðum við ýsu með soðnum glænýjum kartöflum og rófum.  Namm!